Fjarðarhorn , 500 Staður
88.500.000 Kr.
Lóð/ Jörð
9 herb.
65535 m2
88.500.000
Stofur
2
Svefnherbergi
7
Baðherbergi
2
Inngangur
Sér
Byggingaár
0
Brunabótamat
241.360.000
Fasteignamat
49.720.000

Staður fasteignasala, S: 662-4422 kynnir:

Í einkasölu
 
Jörðin Fjarðarhorn í Hrútafirði.
Jörðin er talin vera um 3.500 hektarar að stærð. íbúðarhúsið stendur í göngufæri frá Staðarskála í Hrútafirði. Ræktað land eru u.þ.b. 33 hektarar og til viðbótar eru í dag tæpir 10 hektarar leigðir frá jörðinni Stað.
Á jörðinni er í dag rekið sauðfjárbú og eru 440 ærgildi á jörðinni, til viðbótar eru á jörðinni um 20 hross. Stórt minkahús, fjárhús og vélageymsla eru á jörðinni.
Staðsetning jarðarinnar býður upp á talsverða möguleika til ferðaþjónustu. Þá er húsakostur rúmur og vel hægt að hugsa sér að hann yrði nýttur til ferðaþjónustu. Einnig væri hægt að leggja meiri áherslu á hrossarækt og tengja það ferðamennsku, en ýmsar reiðleiðir eru í boði út frá jörðinni. Mjög gott beitaland er á jörðinni.
Síðasta ár voru veiðitekjur jarðarinnar um kr. 445.000 í samræmi við 39/1.000 hlutdeild jarðarinnar í arðskrá veiðifélagsins í Hrútafjarðará/Síká. Lega jarðarinnar við ósa Hrútafjarðarár býður upp á góða möguleika til gæsa- og andaveiða, þá er nokkuð af rjúpu á jörðinni og auðvelt væri að leigja þá veiði út.
Á jörðinni stendur reisulegt og töluvert mikið endurnýjað 242,8 fermetra einbýlishús á tveimur hæðum. Húsið var upphaflega byggt úr holsteini árið 1969. Árið 2006 var timburhæð bætt við húsið og það allt klætt að utan með viðhaldslítilli stálklæðningu. Stór timburverönd er við suðurhlið hússins.
Að innan telur húsið:
Forstofu með flísum á gólfi. Hol/miðrými með harðparketi á gólfi. Eldhús með rúmgóðri tiltölulega nýlegri eldhúsinnréttingu og harðparketi á gólfi. Köld geymsla/búr er inn af eldhúsi. Stofu með harðparketi. Á neðri hæð eru 4 svefnherbergi, harðparket er á gólfum. Baðherbergi á neðri hæð er með flísum á gólfi og veggjum, hiti í gólfi, baðkari, handklæðaofni, salerni og innréttingu með handlaug. Þvottahús er á neðri hæð og er það með flísum á gólfi. Sturta er í þvottahúsi. Stigi á milli hæða er úr timbri og eru veggir á efri hæð panilklæddir. Stór setustofa/sjónvarpsherbegi er á efri hæð og þaðan er útgengt á rúmgóðar svalir. Svefnherbergi á efri hæð eru þrjú, tvö stór og annað minna, herbergin eru að hluta undir súð. Parket er á öllum gólfum. Baðherbergi á efri hæð er með flísum á gólfi og veggjum, lítilli innréttingu, salerni og sturtu.
Véla/verkfærageymsla er 153 fermetrar, byggð úr steypu og er hluti hennar einangraður. Steypt plata er í henni og þriggja fasa rafmagn. Tvennar innkeyrslu dyr eru á skemmunni, annars vegar í einangraða hlutann og hins vegar í óeinangraða hlutann.
Fjárhús er 404,8 fermetrar að stærð  og byggt úr steypu, bárujárn er á þaki. Grindur eru í gólfi. Hlaupaköttur er í lofti sem auðveldar gjafir. Við fjárhúsið er 167,3 fermetra steinsteypt hlaða.
Minkahús stendur á jörðinni og er það 749,7 fermetrar að stærð. Húsið er byggt úr timbri og klætt með bárujárni. Fremsti hluti hússins er einangraður og í dag nýttur sem rafvirkjaverkstæði, við tekur geymslusvæði. Inn af geymslusvæði er stórt opið rými. Steyptur gangur er í miðju hússins, sem og forstofa þess.
Afhending jarðarinnar fer eftir samkomulagi, þá geta þær vélar sem notaðar hafa verið við búskapinn fylgt.

Nánari upplýsingar veita Sverrir Sigurjónsson, héraðsdómslögmaður í S: 662-4422, [email protected] og Sigurður Jónsson hrl./löggiltur fasteignasali, [email protected]

Gjöld sem kaupandi þarf að standa straum af vegna kaupa á fasteign:
 
*Stimpilgjald af kaupsamningi: 0,8% af heildar fasteignamati eignar. (0,4% þegar um er að ræða fyrstu kaup og 1.6% þegar um lögaðila er að ræða.)

*Þinglýsingargjald af: kaupsamningi, skuldabréfi, veðleyfi, afsali o.s.frv. er kr. 2.000 af     hverju skjali.
*Umsýslugjald fasteignasölu, sbr. kauptilboð.

Ef lán er tekið:

*Lántökugjald banka, oftast 1% af höfuðstól skuldabréfs.

Senda fyrirspurn um eignina

Skilaboð hafa verið send.